انتخابی کمیشن نے اِس بات کی تصدیق کی ہے کہ بہار میں تسلیم شدہ سیاسی پارٹیوں کے سبھی بوتھ سطح کے ایجنٹوں کو خصوصی تفصیلی نظرِثانی مہم کے تحت نئی ووٹر فہرستوں کا مسودہ مل گیا ہے۔ اِس میں اُن رائے دہندگان کی تفصیل بھی شامل ہے، جن کی موت ہوچکی ہے، یا جو کہیں اور منتقل ہوگئے ہیں اور یا جن کے نام دو مقامات پر درج ہیں۔
بوتھ سطح کے ایجنٹوں کو ہدایت دی گئی ہے کہ وہ شواہد کے ساتھ اپنے اعتراضات بوتھ سطح کے افسروں کو پیش کریں، جو اِس کی جانچ کریں گے اور اِس کے مطابق ریکارڈ میں تازہ جانکاری شامل کریں گے۔ یہ فہرستیں عوام کے دیکھنے کیلئے پولنگ مراکز کے باہر بھی لگائی گئی ہیں۔