امورِ داخلہ اور امدادِ باہمی کے مرکزی وزیر امت شاہ آج چھتیس گڑھ میں بستر اولمپکس کی اختتامی تقریب میں شرکت کریں گے۔ یہ تقریب بستر کے ڈویژنل ہیڈ کوارٹرز جگدل پور میں آج دوپہر منعقد ہوگی۔یہ بستر اولمپکس کا دوسرا ایڈیشن ہے۔ مرکزی وزیر داخلہ امت شاہ کَل رات رائے پور پہنچے۔

چھتیس گڑھ میں جاری بستر اولمپکس میں اِس سال تین لاکھ 91 ہزار سے زیادہ کھلاڑیوں نے رجسٹریشن کرایا تھا۔ مقابلے تین مرحلوں میں منعقد کیے گئے تھے، جس میں بستر ڈویژن کے سبھی سات ضلعوں نے شرکت کی تھی۔ آخری مرحلے میں ڈویژن سطح کے مقابلوں میں تقریباً تین ہزار 500 کھلاڑی حصہ لے رہے ہیں، جن میں خود سپردگی کرنے والے نکسل اور نکسلی تشدد سے متاثر کھلاڑی بھی حصہ لے رہے ہیں۔ اِن اولمپکس سے بستر میں مثبت تبدیلیوں کا اظہار ہوتا ہے کہ کس طرح یہ خطہ نکسل مسئلے سے نجات حاصل کرنے کی طرف آگے بڑھ رہا ہے۔اِس قبائلی علاقے کے نوجوان کھلاڑیوں کیلئے یہ بہترین پلیٹ فارم کے طور پر بھی ابھر رہا ہے اور انھیں ریاست اور قومی سطحوں پر پہچان بنانے میں مدد کر رہا ہے۔