امریکی صدر ڈونلڈ ٹرمپ نے کہا ہے کہ پاکستان اُن ملکوں میں شامل ہے جو سرگرمی کے ساتھ ایٹمی ہتھیاروں کے تجربے کرتے رہے ہیں۔ ایک ٹی وی چینل کے ساتھ گفتگو کرتے ہوئے صدر ٹرمپ نے دعوی کیا کہ روس، چین، شمالی کوریا اور پاکستان ایٹمی تجربے کر رہے ہیں۔ انھوں نے دیگر ملکوں کی جانب سے حالیہ تجربوں کا حوالہ دیتے ہوئے کہا کہ امریکہ خود اپنے ایٹمی تجربے پھر شروع کرے گا۔ صدر ٹرمپ نے دعوی کیا کہ کسی بھی دیگر ملک کے مقابلے امریکہ کے پاس کہیں زیادہ ایٹمی ہتھیار ہیں۔