امریکی صدر ڈونالڈ ٹرمپ نے اپنے قریبی ساتھی سرجیو گور کو بھارت میں امریکہ کا نیا سفیر مقرر کیا ہے۔ وہ بھارت کے سفیر کے علاوہ جنوبی اور وسطی ایشیاء کے لیے امریکہ کے خصوصی ایلچی بھی ہوں گے۔ ٹرتھ سوشل پر ایک پوسٹ میں صدر ٹرمپ نے کہا کہ دنیا کے سب سے زیادہ آبادی والے خطّے کے لیے انہیں کسی اپنے بھروسے مند شخص کی ضرورت تھی، جو ان کے ایجنڈے کو عملی جامہ پہنا سکے اور امریکہ کو دوبارہ عظیم بنانے میں معاون ثابت ہو۔ سرجیو گور ایریک گاوسیٹی کی جگہ لیں گے، جو 11 مئی 2023 سے 20 جنوری 2025 تک بھارت میں امریکہ کے سفیر تھے۔×