امریکہ کے صدر ڈونالڈ ٹرمپ نے حماس کو  سخت الٹی میٹم دیتے ہوئے غزہ میں یرغمال بنائے سبھی افراد کی فوراً رہائی کا مطالبہ کیا ہے۔ ساتھ ہی ہلاک ہوئے سبھی یرغمال افراد کی لاشوں کی بھی مانگ کی ہے۔ صدر ٹرمپ کا یہ انتباہ، وہائٹ ہاؤس کی جانب سے کی گئی اُس تصدیق کے کچھ ہی گھنٹوں بعد سامنے آیا ہے جس میں اُس نے کہا ہے کہ وہائٹ ہاؤس، جنگجو گروپ حماس کے ساتھ سیدھی بات چیت میں شامل تھا۔ اِس قدم کو امریکہ کی پالیسی میں یکسر تبدیلی مانا جا رہا ہے۔ صدر ٹرمپ نے اسرائیل کو ہر اُس چیز کی فراہمی کا عہد کیا، جو حماس کے خاتمے کے لیے ضروری ہے۔ صدر ٹرمپ نے خبردار کیا کہ اگر یرغمال بنائے گئے افراد کو رہا نہیں کیا گیا تو حماس کا ایک بھی رکن سلامت نہیں رہے گا۔

جناب ٹرمپ نے صورتحال کو انتہائی لازمی قرار دیتے ہوئے کہا کہ حماس کو یرغمال افراد کی رہائی میں تاخیر نہیں کرنی چاہیے، اور نہ ہی مارے گئے افراد کی لاشیں دینے میں تاخیر کرنی چاہیے۔ صدر ڈونالڈ ٹرمپ نے مارے گئے یرغمال افراد کی لاشیں دینے میں تاخیر کے رویے کو بیمار ذہنیت قرار دیا۔