امریکہ نے وینیزویلا کے صدر نکولا مدُورو کی گرفتاری کیلئے اطلاع دینے والے شخص کو دیئے جانے والے انعام کی رقم کو دوگنا کرکے پانچ کروڑ ڈالر کردیا ہے۔ مدورو پر الزام ہے کہ وہ دنیا میں ممنوعہ نشیلی اشیا کے سب سے بڑے تجارت کاروں میں شامل ہیں۔ امریکی صدر ڈونلڈ ٹرمپ، مدورو پر ایک طویل عرصے سے تنقید کرتے رہے ہیں۔
وینیزویلا کے وزیر خارجہ Yvan Gill نے کہا کہ اِس نئے انعام کی رقم افسوسناک ہے اور انھوں نے اِسے سیاسی پروپیگنڈہ قرار دیا ہے۔
ٹرمپ کی پہلی مدت کے دوران، امریکی حکومت نے مدورو اور وینیزویلا کے اعلیٰ درجے کے حکام پر بہت سے الزامات عائد کئے ہیں جن میں نشیلی اشیا کی دہشت گردی، بدعنوانی اور نشیلی اشیاء کی تجارت شامل ہے۔