امریکہ اور یوروپی یونین نے ایک جامع تجارتی معاہدے کو قطعی شکل دی ہے جس کے مطابق، امریکہ میں آنے والی، یوروپی یونین کی زیادہ تر اشیا پر 15 فیصد محصول لاگو رہے گا۔

امریکی صدر ڈونلڈ ٹرمپ اور یوروپی یونین کی سربراہ Ursula Von Der Leyen نے کَل رات اعلان کیا کہ اُنھوں نے بحرِ اوقیانوس کے پار سے آنے والی اشیا پر محصول سے متعلق تعطل اور ایک بڑی تجارتی جنگ کو ختم کرنے کے لیے ایک معاہدے کو قطعی شکل دی ہے۔

اِس معاہدے کو ایک ایسے وقت قطعی شکل دی گئی جب یوروپی یونین کے لیے امریکہ کے ساتھ معاہدہ کرنے کی مدت تقریباً ختم ہونے والی ہے، یا اُسے امریکہ کی طرف سے 30 فیصد محصول کا سامنا کرنا تھا۔ جناب ٹرمپ نے نامہ نگاروں کو بتایا کہ اِس سودے کے مطابق امریکہ میں یوروپی یونین کی برآمدات پر 15 فیصد محصول لاگو ہوگا۔ محصول کی یہی سطح جاپان نے بھی لاگو کی ہوئی ہے۔ امریکی صدر نے یہ بھی کہا ہے کہ یوروپی یونین نے امریکہ سے 750 ارب ڈالر کی توانائی خریدنے اور امریکہ میں مزید 600 ارب ڈالر کی سرمایہ کاری کرنے سے اتفاق کیا ہے۔