اعلیٰ اقتصادی مشیر V اننتھا ناگیشورن نے کہا ہے کہ اِن دنوں جاری نظام سے متعلق اصلاحات پائیدار macroeconomic پالیسیوں کے سبب معیشت میں استعداد اور مقابلہ جاتی صلاحیتوں کو مستحکم کر رہی ہیں۔ جولائی سے ستمبر تک کی سہ ماہی کیلئے مجموعی گھریلو پیداوار GDP کے سہ ماہی اندازے کو جاری کرنے کے بعد میڈیا سے بات کرتے ہوئے اعلیٰ اقتصادی مشیر نے کہا کہ لیبر کوڈز پر عمل آوری، GST شرحوں کو کم کیے جانے، ذاتی انکم ٹیکس کے نئے نظام سمیت دیگر اصلاحی اقدامات، استعداد اور مقابلہ جاتی صلاحیتوں کو فروغ دیتے رہیں گے۔ مستحکم افراطِ زر، عوامی اثاثے کے اخراجات میں اضافے اور اصلاحات کی جاری رفتار نے بھارت کو ایک ایسے مقام پر پہنچا دیا ہے کہ وہ عالمی اور ملکی خطرات کی صورت میں مؤثر سفر جاری رکھ سکتا ہے۔ انہوں نے مزید کہا کہ اِن مضبوط عوامل نے کئی ایجنسیوں کو مالیاتی سال 2026 کیلئے بھارت کی GDP کی شرح کے اندازوں پر نظرثانی کرکے جاری کرنے کی راہ دیکھائی ہے۔