اطلاعات و نشریات کی وزارت میں سکریٹری سنجے جاجو نے علاقائی اور مقامی مواد کی شمولیت اور آمدنی کو بڑھانے کے مقصد سے دور درشن اور آکاشوانی کیندروں میں مقامی فن کاروں اور تخلیق کاروں کو شامل کرنے پر زور دیا۔
آکاشوانی کے لکھنؤ دفتر میں وزارت کے تحت کام کرنے والے مختلف یونٹوں کے کام کاج کے جائزے کے دوران، جناب جاجو نے کہا کہ اطلاعات و نشریات کی وزارت کے Unit حکومت کا چہرہ ہیں کیونکہ یہ نہ صرف عام لوگوں سے رابطہ قائم کرتے ہیں بلکہ ملک کے دور دراز کے علاقوں پر بھی ان کا گہرا اثر پڑتا ہے۔
یونٹوں کی کارکردگی کے مستقل جائزے کے بارے میں بتاتے ہوئے انھوں نے کہا کہ وزارت ملک کے دور درشن اور آکاشوانی کیندروں کو منافع بخش مراکز میں تبدیل کرنے کی کوشش کر رہی ہے اور اس عمل کا آغاز مختلف یونٹوں کے علاقائی انچارجوں کو اختیارات سونپنے کے ساتھ شروع ہوگیا ہے۔
