اسرائیل نے کہا ہے کہ آئندہ کچھ روز میں غزہ کی اصل گزرگاہ کو کھول دیا جائے گا تاکہ جنگ سے متاثرہ حصے سے ہزاروں فلسطینی، جنہیں طبی امداد کی ضرورت ہے، وہ مصر کے راستے، یہاں سے جاسکیں۔ اسرائیلی فوج کی COGAT، جو انسانی ہمدردی سے متعلق معاملات کی ذمے دار ہے، اُس نے کہا ہے کہ یوروپی یونین مشن کی زیر نگرانی، مصر کے ساتھ تال میل میں Rafah کراسنگ کو کھولا جائے گا۔ اسرائیل نے اکتوبر میں جنگ بندی کے نفاذ کے بعد سے یہ کہتے ہوئے Rafah کی دونوں سمت کو بند رکھا ہے کہ حماس کو معاہدے کی پابندی کرنی چاہیے، جس کے تحت غزہ میں موجود سبھی یرغمال بنائے گئے افراد، زندہ اور مردہ کو اسرائیل کے سپرد کیا جانا ہے۔

حماس نے تقریباً دو ہزار فلسطینی قیدیوں اور سزا یافتہ قیدیوں کے عوض یرغمال بنائے گئے 20 افراد کو واپس بھیجا ہے، لیکن متوفی دو مزید قیدی، ایک اسرائیلی پولیس افسر اور تھائی لینڈ کا ایک زرعی ورکر اب بھی غزہ میں ہیں۔ x