اسرائیل نے غزہ کے تین علاقوں میں فوجی کارروائی 10 گھنٹے کیلئے روکنے کا اعلان کیا ہے تاکہ انسانی ہمدردی کی بنیاد پر امداد پہنچانے میں سہولت ہوسکے۔ اِس کے تحت مزید احکامات جاری ہونے تک مقامی وقت کے مطابق روزانہ صبح 10 بجے سے رات 8 بجے تک فوجی کارروائی نہیں ہوگی۔ اِس فیصلے میں اقوامِ متحدہ اور بین الاقوامی تنظیمیں تال میل کررہی ہیں۔
اِدھر غذائی اشیاء اور بنیادی ڈھانچے کی رسد سمیت ضروری امدادی سامان لے کر آج صبح Rafah سرحدی کراسنگ کے راستے مصر کے کئی امدادی ٹرک غزہ پٹی میں داخل ہوئے۔