چین کے سرحد کے نزدیک اروناچل پردیش کے انجوا ضلع میں 22 مزدوروں کو لے جانے والے ایک ٹرک کے چٹان سے پھسل کر نیچے گر جانے کے سبب 21 افراد ہلاک ہو گئے، جس میں سے 14 لاشوں کو نکال لیا گیا ہے۔ یہ سبھی آسام کے Tinsukia ضلع کے رہنے والے تھے۔ بھارتی فوج NDRF ، SDRF ، GREF اور ضلع انتظامیہ نے تلاش اور بچاؤ کی مشترکہ کاروائیاں شروع کر دی ہیں۔ وزیر اعظم نریندر مودی نے ہلاکتوں پر افسوس کا اظہار کیا ہے اور زخمیوں کی جلد صحت یابی کی دعا کی ہے۔ انھوں نے وزیر اعظم کے قومی راحتی فنڈ سے ہلاک ہونے والوں کے کنبوں کو 2 لاکھ روپے، اور زخمیوں کو 50 ہزار روپے دینے کا اعلان کیا ہے۔