قومی راجدھانی دلّی میں آج ارجنٹینا کے فٹ بال کھلاڑی Lionel Messi کی میزبانی کیلئے تمام تیاریاں کر لی گئی ہیں۔ یہ اُن کے GOAT انڈیا سفر کا چوتھا اور آخری مرحلہ ہے۔

دلّی ٹریفک پولیس نے، پروگرام کے تناظر میں ٹریفک سے متعلق ایک ہدایت جاری کی ہے۔

دلّی، Lionel Messi کے GOAT انڈیا دورے کا آخری مقام ہوگا۔ یہ دورہ اس مہینے کی 13 تاریخ کو شروع ہوا تھا۔ اس سے پہلے کولکاتہ، حیدرآباد اور ممبئی میں تقریبات منعقد کی گئیں۔

ارجنٹینا کے تاریخ ساز فٹ بال کھلاڑی Lionel Messi آج ارون جیٹلی اسٹیڈیم میں عوام کے سامنے منظر عام پر آئیں گے۔ وہ دوپہر ایک بجے سے سہ پہر 4 بجے کے درمیان عوام کے سامنے رہیں گے۔

دلّی کے اپنے دورے میں میسی، نوجوانوں کی تین ٹرافیز جیتنے پر مِنروا اکیڈمی کی ٹیموں کی عزّت افزائی کریں گے۔ ”ایک طرف 9 کھلاڑی“ کے موضوع کے تحت مشہور شخصیتوں کا ایک فٹ بال میچ بھی اس پروگرام کے حصے کے طور پر منعقد کیا جائے گا۔

دلّی ٹریفک پولیس نے اس سلسلے میں ہدایت جاری کی ہے کہ اسٹیڈیم کے آس پاس دوپہر ایک بجے سے سہ پہر 4 بجے تک گاڑیوں کی آمد سست رہے گی۔