احمد آباد کے نریندر مودی اسٹیڈیم میں بھارت ویسٹ انڈیز کے خلاف پہلے ٹیسٹ میچ کے آج دوسرے دن اپنی پہلی اننگز میں دو وکٹ پر 121 رن سے آگے کھیلنا شروع کرے گا۔ کل جب کھیل ختم ہوا، تو کے-ایل راہل 53 پر اور شبھ من گِل 18 رن پر کھیل رہے تھے۔ یشسوی جیسوال نے 36 رن اسکور کیے۔

اس سے قبل ویسٹ انڈیز نے ٹاس جیت کر پہلے بلّے بازی کرنے کا فیصلہ کیا اور اُس کی پوری ٹیم پہلی اننگز میں صرف 162 رن بنا کر آؤٹ ہو گئی۔ بھارت کی طرف سے محمد سراج نے 4 وکٹ لیے، جبکہ جسپریت بمراہ نے 3 کھلاڑیوں کو آؤٹ کیا۔×