اتر پردیش میں وارانسی کے Manikarnika گھاٹ کی تعمیرِ نو سے متعلق سوشل میڈیا پر مبینہ طور پر گمراہ کن خبر پھیلانے کے معاملے میں پولیس نے کَل شام 8 الگ الگ FIR درج کی ہیں۔
یہ FIR شہر کے چوک تھانے میں درج کی گئیں، جن میں الزام عائد کیا گیا ہے کہ ہندو مت پر یقین رکھنے والے افراد کو گمراہ کرنے کیلئے ہندو دیوی دیوتاؤں کی تصاویر کا استعمال کیا گیا، جس سے عوامی سطح پر غم و غصہ پیدا ہوا، سماجی ہم آہنگی متاثر ہوئی اور قانون نافذ کرنے والی ایجنسی کے ساتھ ساتھ حکومت کی شبیہ کو بھی نقصان پہنچا۔
