اترپردیش میں Mauni Amavasya کے موقع پر لاکھوں عقیدتمند مختلف دریاؤں میں پوتر ڈبکی لگارہے ہیں۔ یہ ماگھ میلے کی سالانہ مذہبی تقریب کا تیسرا اہم اَسنان ہے، جو پریاگ راج میں سنگم میں منعقد ہوا ہے۔

لاکھوں عقیدتمند Mauni  Amavasya کے موقع پر پوتر ڈبکی لگانے کیلئے آج صبح سویرے سے پریاگ راج میں گنگا، جمنا اور دریائے سرسوتی کے سنگم میں جمع ہوئے۔ کِنّر اکھاڑہ سمیت بہت سے اکھاڑوں کے سادھو سنتوں نے بھی سنگم میں پوتر ڈُبکی لگائی۔ حکام نے پونٹون پُل، ٹینٹس اور سکیورٹی چیک پوائنٹس بنائے ہیں اور یاتریوں کیلئے خصوصی انتظامات بھی کئے ہیں۔ انتظامیہ کی طرف سے اس مرتبہ تین کلومیٹر سے زیادہ لمبے گھاٹس تیار کئے گئے ہیں۔ کَل سنگم میں ایک کروڑ 50 لاکھ یاتریوں نے پوتر ڈُبکی لگائی تھی اور آج بھی انتظامیہ کو امید ہے کہ سنگم علاقے میں تقریبا تین کروڑ یاتری پوتر اسنان کریں گے۔ پریاگ راج کے ڈی ایم نے کہا ہے کہ ہر چیز کا خیال رکھتے ہوئے پولیس اور انتظامیہ نے سبھی انتظامات کئے ہیں۔

عقیدتمند وارنسی، مرزا پور، ہاپوڑ، اجودھیا اور کانپور جیسے دیگر شہروں میں گنگا، جمنا کے گھاٹوں اور دیگر اہم دریاؤں میں پوتر ڈبکی لگانے کیلئے جمع ہوئے ہیں۔