اترپردیش میں گزشتہ 24 گھنٹے کے دوران بجلی گرنے کے واقعات میں کم از کم 11  لوگوں کی موت ہو گئی۔ بڑے پیمانے پر ہو رہی بارش سے دھان اور آلو کی کھیتی کو بھی نقصان پہنچا ہے۔

لکھنؤ کے ہمارے نامہ نگار نے بتایا کہ فتح پور ضلعے کی مختلف تحصیلوں میں 7 لوگ ہلاک ہو گئے جن میں ایک باپ اور بیٹا بھی شامل ہیں۔ یہ سبھی لوگ موصلادھار بارش کے دوران پیڑوں کے نیچے پناہ لیے ہوئے تھے کہ اسی دوران بجلی گر پڑی۔ کنوج ضلعے میں بجلی گرنے سے تین جبکہ شروستی میں ایک شخص کی موت ہو گئی ہے۔ اترپردیش کے مختلف حصوں میں گزشتہ 24 گھنٹے سے ہو رہی بارش سے معمول کی زندگی میں رخنہ پڑا ہے۔×