اتراکھنڈ میں ہری دوار میں شرون مہینے کا کانوڑ میلہ حتمی مرحلے میں پہنچ گیا ہے۔ اب تک ڈھائی کروڑ سے زیادہ کانوڑیے ہری دوار سے پوتر گنگا جل لے کر اپنی اپنی منزل کی طرف روانہ ہوچکے ہیں۔ ادھر بڑی تعداد میں ڈاک کانوڑیے سائونڈ سسٹم سے آراستہ گاڑیوں میں سوار ہوکر ہری دوار پہنچ رہے ہیں۔ بیراگی کیمپ میں عارضی پارکنگ کا علاقہ پہلے ہی کانوڑیوں کی گاڑیوں سے بھر چکا ہے۔ بڑی تعداد میں ڈاک کانوڑیوں کے وہاں آنے کے مدنظر انتظامیہ سخت چوکسی برت رہا ہے۔