اتراکھنڈ کے بہت سے ضلعوں میں لگاتار موسلا دھار بارش کی وجہ سے معمول کی زندگی میں رکاوٹ آگئی ہے۔ چمولی ضلعے کے موپاٹا گاؤں میں دو افراد کے لاپتہ ہونے اور دو کے زخمی ہونے کی اطلاع ہے۔ یہ لوگ موسلا دھار بارش کے سبب ملبے میں دب گئے تھے۔ گایوں کے شیلٹرز کو بھی نقصان پہنچا ہے اور 15-20 مویشی پھنس کر رہ گئے ہیں۔ اِسی علاقے میں کچھ کنبوں کے بھی پھنس جانے کی اطلاع ہے۔ مقامی انتظامیہ، راحت اور بچاؤ کا کام، جنگی پیمانے پر انجام دے رہی ہے۔ افسروں کو ہدایت دی گئی ہے کہ وہ مؤثر طور پر تال میل برقرار رکھیں۔ وزیر اعلیٰ پُشکر سنگھ دھامی نے کہا ہے کہ وہ صورتحال پر قریبی نظر رکھے ہوئے ہیں اور حکام کے ساتھ بھی لگاتار رابطے میں ہیں۔ لگاتار بارش کی خبریں پتھوڑا گڑھ، چمپاوت اور باگیشور سے موصول ہوئی ہیں۔ محکمہئ موسمیات نے آنے والے دنوں میں، ریاست کے مختلف علاقوں کیلئے لگاتار شدید بارش کی وارننگ جاری کی ہے۔