اتراکھنڈ میں اترکاشی ضلعے کے دھرالی اور Harsil علاقوں میں بادل پھٹنے اور سیلاب آنے کے بعد آج تیسرے دن صبح سے ہی راحت اور بچاؤ کارروائی زور و شور سے جاری ہے۔ ریاست کے وزیر اعلیٰ پُشکر سنگھ دھامی صورتحال پر بذاتِ خود نظر رکھنے کے لیے اترکاشی میں موجود ہیں۔ انہوں نے بتایا کہ SDRF، NDRF، فوج، ITBP اور مقامی انتظامیہ مل کر پوری تیاری کے ساتھ امدادی کارروائی انجام دے رہی ہیں۔
دھرالی میں اس تباہ کُن سانحے میں اب تک 5 اموات کی تصدیق ہوئی ہے، جبکہ 50 سے زیادہ لوگ لاپتہ بتائے گئے ہیں۔ لاپتہ ہونے والے افراد میں 11 فوجی اہلکار بھی شامل ہیں۔
پوڑی ضلعے میں Buransi اور Bankuda گاؤں میں، تیز بارش کے بعد چٹاّنوں کے ٹکڑے گرنے اور مکان ڈھے جانے سے دو افراد کی موت ہو گئی اور کئی مکانوں کو نقصان پہنچا۔ ہری دوار میں دریائے گنگا کا پانی خطرے کے نشان سے اوپر بہہ رہا ہے۔ لوگوں سے کہا گیا ہے کہ وہ ندی نالوں سے دور رہیں۔ چمولی کے Saldhar علاقے میں Tapovan کے مقام پر قومی شاہراہ کا 20 میٹر حصہ ٹوٹ گیا ہے، جس سے ٹریفک متاثر ہوا ہے۔ اُدھر رُدر پریاگ میں الکنندا اور منداکنی دریا خطرے کے نشان سے اوپر بہہ رہے ہیں۔ چمولی میں جوشی مٹھ کے نزدیک بدری ناتھ شاہراہ کا راستہ بند ہو گیا ہے۔
موسمیات محکمے نے آج ریاست کے کئی حصوں میں تیز بارش کے امکان کے مدِّ نظر Yellow الرٹ جاری کیا ہے۔
