آئی پی ایل کرکٹ میں آج شام دلی کے ارون جیٹلی اسٹیڈیم میں چنئی سپرکنگز کا مقابلہ راجستھان رائلس سے ہوگا۔ اس میچ کا پلے آف کی دوڑ پر کوئی اثر نہیں پڑے گا، کیونکہ دونوں ٹیمیں پہلے ہی مقابلے سے باہر ہوچکی ہیں۔کل رات لکھنؤ سپرجائنٹس، سن رائزرس حیدر آباد سے چھ وکٹ سے ہارنے کے بعد پلے آف کی دوڑ سے باہر ہوگئی ہے۔ اس نتیجے کے ساتھ ممبئی انڈینس اور ڈیلی کیپٹلس آخری پلے آف کی جگہ کے لیے دعویداری میں بنے ہوئے ہیں۔ گجرات ٹائنٹنس، رائل چیلنجرس بنگلورو اور پنجاب کنگز پہلے ہی پلے آف میں اپنی جگہ محفوظ کرچکے ہیں۔