آسٹریلیا کے شہر سِڈنی میں Bondi Beach پر یہودی  تہوار Hanukkah پر کیے گئے ایک دہشت گردانہ حملے میں مرنے والوں کی تعداد بڑھ کر 16 ہوگئی ہے۔ حملہ آوروں کی شناخت باپ اور بیٹے کی طور پر ہوئی ہے، جن کا اصل تعلق پاکستان سے ہے۔ آسٹریلیا کی پولیس نے اِس گولی باری کو دہشت گردانہ حملہ قرار دیا ہے۔ حکام کے مطابق ایک 50 سالہ شخص اور اُس کا 24 سال کا بیٹا، مبینہ حملہ آور تھے۔ اِس شخص کی موت ہوچکی ہے جبکہ اُس کا بیٹا اسپتال میں داخل ہے اور پولیس حراست میں ہے۔ اِس حملے میں دو پولیس افسروں سمیت 42 افراد زخمی بھی ہوئے۔ آسٹریلیا کے وزیراعظم  Anthony Albanese نے کہا ہے کہ آسٹریلیا میں رہنے والے یہودیوں پر حملہ ہر آسٹریلیائی شہری پر حملے کے مترادف ہے اور اِس حملے سے سبھی کو تکلیف ہوئی ہے۔ وزیراعظم نریندر مودی نے دہشت گردوں کے اِس وحشیانہ حملے کی سخت مذمت کی ہے۔ ایک سوشل میڈیا پوسٹ پر  جناب مودی نے سوگوار کنبوں سے تعزیت کا اظہار کیا ہے۔ وزیراعظم نے کہا ہے کہ بھارت، دکھ کی اِس گھڑی میں آسٹریلیا کے عوام کے ساتھ ہے۔ جناب مودی نے یہ بھی کہا کہ بھارت نے دہشت گردی کو بالکل برداشت نہ کرنے کی پالیسی اختیار کر رکھی ہے اور وہ ہر طرح کی دہشت گردی کے خلاف لڑائی کی حمایت کرتا ہے۔ وزیر خارجہ ڈاکٹر ایس جے شنکر نے بھی اِس دہشت گردانہ حملے کی مذمت کی ہے۔ سوشل میڈیا کی پوسٹ پر ڈاکٹر جے شنکر نے کہا کہ بھارت کے عوام اس حملے کے متاثرین کے کنبوں کے ساتھ ہے۔×