آزمودہ کار اُڑیا فلم اسٹار اُتّم موہنتی کا کل رات گروگرام کے ایک اسپتال میں انتقال ہوگیا۔ وہ 66 برس کے تھے۔   وہ اسپتال میں جگر کی بیماری کے لیے زیر علاج تھے۔ اُڑیا فلم انڈسٹری کی ایک مشہور شخصیت، اُتّم موہنتی نے 130 سے زیادہ اُڑیا فلموں میں کام کیا۔ انہوں نے علاقائی سنیما پر انمٹ نقوش چھوڑے۔ اُڑیا فلموں کے علاوہ انہوں نے 30 بنگالی فلموں اور ہندی فلم نیا زہر میں بھی شاندار ادکاری کے جوہر دکھائے۔ اُنہیں مختلف قسم کے کردار نبھانے کے لیے جانا جاتا ہے۔

اُتّم موہنتی کے انتقال سے اُڑیا سنیما کے ایک دور کا اختتام ہوگیا، جہاں ان کی فطری اداکاری کے انداز اور زبردست پرفارمنس کے لیے انہیں کافی سراہا گیا۔اوڈیشہ کے وزیر اعلیٰ موہن چرن ماجھی نے ان کے انتقال پر تعزیت کا اظہار کرتے ہوئے کہا ہے کہ اُتّم موہنتی کو ان کی شاندار اداکاری کے لیے ہمیشہ یاد رکھا جائے گا۔ مرکزی وزراء، جوال اورم، دھرمیندر پردھان اور مختلف شعبوں سے تعلق رکھنے والی کئی دیگر اہم شخصیات نے بھی اُتّم کے انتقال پر دُکھ اور افسوس کا اظہار کیا ہے۔×