آر ایس ایس نے آئین کی تمہید میں الفاظ سوشلسٹ اور سیکولر پر یہ کہتے ہوئے نظر ثانی کئے جانے پر زور دیا ہے کہ اِن الفاظ کو ایمرجنسی کے دوران شامل کیا گیا تھا اور یہ کبھی بھی بی آر امبیڈکر کے مرتب کئے گئے آئین کا حصہ نہیں رہے۔

ایمرجنسی کے 50 سال ہونے کے موضوع پر ایک پروگرام سے خطاب کرتے ہوئے آر ایس ایس کے جنرل سکریٹری دَتّاترے Hosabole نے کہا کہ بابا صاحب امبیڈکر نے آئین کی تمہید میں کبھی بھی اِن الفاظ کو استعمال نہیں کیا۔

ایمرجنسی کے دنوں کو یاد کرتے ہوئے، جس کا اعلان  25 جون 1975 کو کیا گیا تھا، Hosabole نے کہا کہ ہزاروں لوگوں کو جیلوں میں ڈال دیا گیا تھا اور انھیں اذیت دی گئی، جبکہ عدلیہ اور میڈیا کی آزادی پر بندشیں عائد کردی گئیں۔×