GST بچت اُتسو سے معاشرے کے سبھی طبقوں کو فائدہ ہو رہا ہے۔ وزیراعظم نریندر مودی نے اِس کا اعلان کیا تھا اور یہ پچھلے مہینے کی 22 تاریخ کو شروع ہوا ہے۔

آج ہم GST کی اُن اصلاحات کا تذکرہ کر رہے ہیں جن سے کیرالہ کی معیشت کو تقویت ملے گی۔

نئی GST اصلاحات کیرالہ کے کسانوں، چھوٹے کاروباری افراد اور صنعتوں کیلئے بڑی تقویت ہیں۔ چھوٹی الائچی اور پان پر GST اٹھارہ فیصد سے کم کرکے پانچ فیصد کیے جانے سے کیرالہ میں مصالحوں کی صنعت کو فائدہ ہوگا۔ امید ہے کہ اِس قدم سے مصالحوں کی قیمتیں تقریباً 11 فیصد کم ہوجائیں گی اور صارفین کیلئے مقامی اشیا اور زیادہ سستی ہوجائیں گی، جس سے ریاست کی عالمی مسابقت کو بڑھاوا ملے گا۔ اسی طرح جیم اور اچار مربّے پر GST بارہ فیصد سے گھٹاکر پانچ فیصد کردیا گیا ہے جس سے آم کی کاشت کرنے والے کسانوں اور خوراک کو ڈبہ بند کرنے سے وابستہ کاروباری افراد کو فائدہ ہوگا۔

نئی GST شرحوں سے کیرالہ میں زراعت، خوارک کو ڈبہ بند کرنے اور سیاحت کے شعبے مستحکم ہوئے ہیں، کیونکہ لاگت کم ہوگئی ہے، آمدنی میں اضافہ ہوا ہے اور درمیانہ اور چھوٹا کاروبار کرنے والے افراد کیلئے مارکیٹ کے موقعوں میں توسیع ہوئی ہے۔