آج ملک بھر میں روشنیوں کا تہوار دیوالی پورے جوش و جذبے اور مذہبی عقیدت کے ساتھ منایا جا رہا ہے۔ یہ تہوار برائی پر اچھائی کی جیت کی ایک علامت ہے اور اس موقعے پر گھروں مندروں اور دیگر عوامی مقامات پر دیئے جلائے جا رہے ہیں۔ لوگ اس موقعے پر دولت کی دیوی لکشمی کی بھی پوجا کرتے ہیں۔ ہمارے نامہ نگار نے قومی راجدھانی دلّی میں دیوالی کی تقریبات سے متعلق یہ رپورٹ پیش کی ہے۔

دلّی میں بازاروں اور سڑکوں کو مختلف پھولوں اور روشنیوں سے سجایا گیا ہے۔ لوگ ماں لکشمی کا استقبال کرنے کے لیے رنگارنگ دیؤں اور رنگولیوں سے اپنے گھروں کو سجا رہے ہیں۔ قومی راجدھانی میں رہنے والے لوگ اپنے عزیزوں اور قریبی رشتہ داروں کے ساتھ روشنیوں کا تہوار منانے کے لیے بیحد منتظر ہیں۔

پولیس، آگ بجھانے والا عملہ اور اسپتالوں سمیت مختلف تنظیمیں ہر ایک کے لیے اس تہوار کو محفوظ بنانے کو یقینی بنانے کے لیے پوری طرح تیار ہیں اور انہوں نے شہر بھر میں سکیورٹی کے وسیع انتظامات کیے ہیں۔ اہم مقامات پر بھی سکیورٹی کے اقدامات کیے گئے ہیں۔

تہوار کے پیشِ نظر لاجپت نگر، کرول باغ، کناٹ پلیس، چاندنی چوک، INA مارکیٹ اور سروجنی نگر سمیت بڑے بازار بھی روشنیوں سے جگمگا رہے ہیں۔