آج ملک، بھارت رتن، سرکردہ سائنسداں اور سابق صدرِ جمہوریہ ڈاکٹر اے پی جے عبدالکلام کی سالگرہ منا رہا ہے۔ ”بھارت کے میزائل Man“ کے طور پر بھی معروف، ڈاکٹر عبدالکلام نے بھارت کے خلائی اور میزائل ترقیاتی پروگراموں میں کلیدی رول ادا کیا۔

صدرِ جمہوریہ دروپدی مرمو، نائب صدر جمہوریہ سی پی رادھا کرشنن اور وزیر اعظم نریندر مودی نے، دور اندیش سائنسداں کو اُن کے یومِ پیدائش پر خراجِ عقیدت پیش کیا۔ سوشل میڈیا کے ایک پیغام میں نائب صدر رادھا کرشنن نے ڈاکٹر کلام کو ایک دور اندیش سائنسداں، حوصلہ فراہم کرنے والا رہنما اور ایک سچا محب وطن قرار دیا۔ انہوں نے مزید کہا کہ اُن کی انکساری، ہمدردی کے جذبے اور طلبا کے ساتھ اُن کی مستقل ملاقات نے انہیں انتہائی مقبول شخصیت بنا دیا۔

نائب صدرِ جمہوریہ نے مزید کہا کہ انہوں نے اپنے کلام اور کردار سے نوجوانوں میں جوش پیدا کیا اور ملک کو بڑا خواب دیکھنے کی تحریک دی۔ دفاع، سائنس اور نوجوانوں کو بااختیار بنانے میں اُن کی مسلسل کاوشوں نے، خود کفالت کے تئیں بھارت کے سفر کو استحکام بخشا۔ جناب رادھا کرشنن نے اجاگر کیا کہ ڈاکٹر کلام کا نظریہ، ہر بھارتی کو جدت طرازی، خدمت کرنے اور یکجہتی کی قیادت کرنے کی تحریک دے رہا ہے۔

وزیر اعظم نریندر مودی نے کہا ہے کہ ڈاکٹر کلام بصیرت رکھنے والے شخص تھے، جنہوں نے نوجوانوں میں جوش پیدا کیا اور ملک کو بڑا خواب دیکھنے کی تحریک دی۔ جناب مودی نے مزید کہا کہ اُن کی زندگی لوگوں کو یاد دلاتی ہے کہ انکساری اور سخت محنت کامیابی کی کنجی ہیں۔

انہوں نے امید ظاہر کی کہ جناب کلام کے خوابوں کے بھارت کی تعمیر کا سلسلہ جاری رہے گا – ایک ایسا بھارت جو مستحکم، خود کفیل اور ہمدردی کے جذبے سے بھرپور ہو۔×