آبزروَر ریسرچ فاؤنڈیشن، ORF امریکہ کے ایگزیکیٹو ڈائریکٹر Dhruva جے شنکر نے کہا ہے کہ امریکہ کی جانب سے زیادہ محصولات عائد کرنے اور پاکستان کے ساتھ امریکی تعلقات کے احیاء سے بھارت اور امریکہ کے درمیان تعاون پر اثر پڑا ہے۔ انہوں نے جنوبی اور وسطی ایشیاء کی US ہاؤس خارجی اُمور کی ذیلی کمیٹی کے روبرو بھارت-امریکہ تعلقات پر اپنی گواہی میں یہ بات کہی۔ Dhruva جے شنکر نے اُجاگر کیا کہ دو طرفہ تجارتی معاہدے کو حتمی شکل دینے میں ناکامی اور پاکستان کی فوجی قیادت کے ساتھ امریکہ کی جاری مصروفیت، بھارت-امریکہ اسٹریٹجک شراکت داری کی مکمل صلاحیت کو بروئے کار لانے میں خطرہ بن رہے ہیں۔
جنوبی ایشیاء کے معاملات کے ایک اور ماہر ہیرٹیج فاؤنڈیشن کے Jeff Smith نے ذیلی کمیٹی کو بتایا کہ آج کے دور میں بھارت کی جغرافیائی سیاسی اہمیت کو نظرانداز کرنا مشکل ہے۔ انہوں نے کہا کہ بھارت، دنیا کی چوٹی کی پانچ معیشتوں میں سے ایک ہے اور دفاع کے شعبے میں خرچ کرنے والے سرکردہ پانچ ممالک میں شامل ہے۔ جناب Smith نے واضح کیا کہ چین کے سبھی پڑوسیوں میں بھارت نے چین کے صدر شی جن پنگ کی جارحانہ خارجہ پالیسی کی سخت مزاحمت کی ہے۔×
