ممبئی میں 10 دن سے جاری گنیش اُتسو کا آج شاندار اختتام ہوا۔ 7 ہزار 400 سے زیادہ گوری اور گنیش کی مورتیوں کا وسرجن کیا گیا۔ Birhan ممبئی میونسپل کارپوریشن کے مطابق وسرجن کے دوران کوئی ناخوشگوار واقعہ پیش نہیں آیا۔ تقریباً 70 قدرتی مقامات اور تقریباً 290 مصنوعی تالاب مورتی وسرجن کیلئے تیار کئے گئے تھے۔ 10 دن سے جاری گنیش اُتسو کے آخری دن آج ممبئی کروں نے گنیش جی کو آنسو بھری رخصتی دی جسے وہ لوگ پیار سے گنپتی بپّا بھی کہتے ہیں۔ گھروں اور گنیش منڈلوں سے مورتیوں کو وسرجن کیلئے لے جایا گیا اور پورے راستے ڈھول بجتے رہے اور لوگ جوش وخروش سے گنپتی بپّا موریا کے نعرے لگاتے رہے۔ مشہور Lalbaugcha Raja اور Mumbaicha Raja کے وسرجن کے جلوس شہر کے مشہور ترین نظاروں میں سے ایک ہے۔ دیوتا کے آخری درشن کیلئے سڑکوں پر لاکھوں عقیدتمند بے صبری سے انتظار کرتے ہیں۔ ریاستی انتظامیہ نے اِس بات کو یقینی بنانے کیلئے مختلف انتظامات کئے تھے کہ وسرجن بلا رکاوٹ عمل میں آئے۔ ممبئی پولیس نے گاڑیوں کی بلا رکاوٹ آمد ورفت کو یقینی بنانے کیلئے وسیع تر انتظامات کئے تھے۔