لوک سبھا کے اسپیکر اوم برلا نے آج نئی دلّی میں جاپان کے ایک پارلیمانی وفد کے ساتھ میٹنگ کی۔ جاپان کے ایوانِ نمائندگان کے اسپیکر Nukaga Fukushiro، اِس وفد کی قیادت کر رہے ہیں۔ میٹنگ کے دوران جناب برلا نے دہشت گردی سے موثر طور پر نمٹنے کیلئے ایک اجتماعی اور پُرعزم ردّعمل اور اقدار کی بحالی پر زور دیا، جو جمہوری سماج کی شناخت ہے۔ انہوں نے تمام جمہوری ملکوں سے کہا کہ دہشت گردی کی لعنت کو جڑ سے ختم کرنے کیلئے متحدہ ہوجائیں۔جناب Fukushiro نے پہلگام میں دہشت گردانہ حملے کی سخت مذمت کی اور دہشت گردی کے خلاف بھارت کی لڑائی میں جاپان کی مکمل حمایت کا اعادہ کیا۔