سڑک ٹرانسپورٹ اور شاہراہوں کے مرکزی وزیر نتن گڈکری نے اعتماد ظاہر کیا ہے کہ بھارت کی، لاجسٹکس لاگت میں، اِس سال کے آخر تک 9 فیصد کمی آجائے گی۔آج نئی دلّی میں ایک کانفرنس سے خطاب کرتے ہوئے، جس کا اہتمام ایک پرائیویٹ نیوز چینل نے کیا تھا، جناب گڈکری نے لاگت میں اِس کمی کا سہرا ملک کے سڑک کے بنیادی ڈھانچے میں خاطر خواہ بہتری کو دیا۔وزیر موصوف نے کہا کہ لاجسٹکس پر آنے والی لاگت میں اِس کمی سے ملک کے برآمداتی شعبے کو ایک بڑا فروغ حاصل ہوگا اور ممکن ہے کہ برآمدات میں ڈیڑھ گنا کا اضافہ ہوجائے۔
جناب گڈکری نے یہ بھی کہا کہ زراعت اور اِس سے متعلقہ شعبے کی ترقی، حکومت کی ترجیح ہے۔ انھوں نے کہا کہ اِس شعبے کی ترقی سے GDP میں خاطر خواہ تعاون حاصل ہوگا۔