سپریم کورٹ نے انتخابی کمیشن کو ہدایت دی ہے کہ وہ کاغذ کی شکل میں دستاویزات پیش کرنے پر اصرار کئے بغیر اُن ووٹرس کے دعووں کے فارم آن لائن قبول کرے جن کے نام فہرست میں نہیں ہیں۔ عدالت عالیہ کی بینچ نے یہ وضاحت بھی کی ہے کہ دعووں کے فارم انتخابی کمیشن کی جانب سے پہلے بتائے گئے 11 دستاویزات میں سے کسی بھی دستاویز یا آدھار کارڈ کے ساتھ پیش کئے جاسکتے ہیں۔جسٹس سوریہ کانت اور جسٹس Joymalya Bagchi پر مشتمل ایک بینچ نے مختلف درخواستوں کی سماعت کرتے ہوئے یہ حکم جاری کیا ہے۔ اِن درخواستوں میں بہار میں ووٹر فہرستوں پر خصوصی تفصیلی نظرثانی کرانے کے انتخابی کمیشن کے26 جون کے حکم کو چیلنج کیا گیا تھا۔ عدالت عالیہ کی بینچ نے سیاسی پارٹیوں اور ریاست کے بوتھ سطح کے اُن کے ایجنٹوں سے کہا ہے کہ وہ اُن افراد کی معاونت کریں جو ذاتی معلومات کے اپنے فارم داخل نہیں کرسکے ہیں اور اِس کے نتیجے میں ووٹر فہرست میں اُن کا نام نہیں ہے۔