دلّی کے اندرا گاندھی بین الاقوامی ہوائی اڈے پر کچھ وقت کے خلل کے بعد معمول کا کام کاج پھر شروع ہو گیا ہے، لیکن اُس نے پاکستان کے ساتھ جاری فوجی کشیدگی کے تناظر میں سخت سیکیورٹی اقدامات کی وجہ سے مسافروں کے لیے سفر سے متعلق ایڈوائزری جاری کی ہے۔

دلی ہوائی اڈے نے اپنے سوشل میڈیا پلیٹ فارم پر اعلان کیا ہے کہ اگرچہ پروازیں نارمل ہیں، پھر بھی فضائی حدود کے بدلتے ہوئے حالات کے تناظر میں پروازوں کے اوقات پر اثر پڑ سکتا ہے اور سکیورٹی جانچ کے عمل میں زیادہ وقت لگ سکتا ہے۔

اُس نے مسافروں کو یہ صلاح دی ہے کہ وہ اپنی ایئرلائنس کے بارے میں تازہ جانکاری حاصل کرتے رہیں، سکیورٹی چیک پوائنٹ پر ممکنہ تاخیر کی وجہ سے جلدی پہنچیں اور سکیورٹی اسٹاف کے ساتھ تعاون کریں۔ x