داخلی امور اور امدادِ باہمی کے مرکزی وزیر امت شاہ نے آج نئی دلّی میں اناج کا ذخیرہ کرنے کی دنیا کی سب سے بڑی کوآپریٹیو کی ایک جائزہ میٹنگ کی صدارت کی۔ میٹنگ سے خطاب کرتے ہوئے، جناب شاہ نے کہا کہ اناج کو ذخیرہ کرنے کی اسکیم وزیرِ اعظم نریندر مودی کے سہکار سے سمردھی کے ویژن کو حقیقت کی شکل دینے کی سمت ایک بڑا قدم ہے۔ انہوں نے کہا کہ مذکورہ اسکیم کا مقصد پرائمری ایگریکلچرل کریڈٹ سوسائٹیز PACS کی آمدنی کو بڑھانا اور ساتھ ہی ساتھ دیہی روزگار کے مواقع تشکیل دینا ہے۔ انہوں نے زرعی بنیادی ڈھانچہ فنڈ کے تحت قرضے کی مدت کو بڑھاکر PACS کی مالی حالت کو بہتر بنانے کیلئے فوری کارروائی کی ضرورت پر زور دیا۔
جناب شاہ نے بھارت کے خوراک اور عوامی نظامِ تقسیم اور فوڈ کوآپریشن کے محکمے کو بھی ہدایات دیں کہ وہ ملک بھر کے گوداموں کی قومی سطح کی نقشہ سازی کا عمل انجام دیں۔