جموں وکشمیر میں شری ماتا ویشنو دیوی کی یاترا خراب موسم اور خطے میں کئی مقامات پر چٹانوں کے ٹکڑے گرنے کی وجہ سے آج 15 ویں دن بھی معطل ہے۔ آکاشوانی جموں کے نامہ نگار نے بتایا ہے کہ لگاتار بارش ہونے کے سبب چٹانوں کے ٹکڑے گرنے سے مندر کی طرف جانے والے راستے میں رکاوٹ پڑ گئی ہے اور یہ راستہ یاتریوں کیلئے ابھی محفوظ نہیں ہے۔ اس کے علاوہ کئی مقامات پر چٹانوں کے ٹکڑے گرنے اور سڑک ٹوٹ جانے کی وجہ سے جموں -سری نگر قومی شاہراہ بند ہونے سے مزید رکاوٹ پیدا ہوگئی ہے۔ ملبہ ہٹانے اور راستے کو محفوظ بنانے کیلئے بحالی کا کام ترجیحی بنیاد پر جاری ہے۔