بہار میں آئندہ ریاستی اسمبلی انتخابات کے تناظر میں RJD کانگریس کی زیر قیادت عظیم اتحاد کی ایک اہم میٹنگ آج سہ پہر پٹنہ میں منعقد ہوگی۔ RJD دفتر میں بلائی گئی اس میٹنگ میں اپوزیشن اتحاد کی سبھی 6 پارٹیاں شرکت کریں گی۔

ہمارے نامہ نگار نے خبر دی ہے کہ RJD لیڈر تیجسوی پرساد یادو کانگریس کے ریاستی انچارج کرشنا Allavaru، بہار پردیش کانگریس کمیٹی (VPCC) کے صدر راجیش کمار اور بائیں بازو، اور وِکاس شیل انسان پارٹی (VIP) کے سینئر رہنما اس میٹنگ میں موجود ہوں گے۔

تفصیل ہمارے نامہ نگار سے

V/C – Dharmendara Kumar  Roy

سیٹوں کی تقسیم اور باہمی سیٹوں کی شناخت کے علاوہ عظیم اتحاد کے رہنما آئندہ ہونے والے بہار اسمبلی انتخابات کے لیے، اتحاد کے وزیراعلیٰ کے امیدوار پر بھی غوروخوض کریں گے۔ RJD نے پہلے ہی لالو پرساد کے بیٹے تیجسوی پرساد یادو کو وزیراعلیٰ کا چہرہ قرار دے دیا ہے۔

انتخابات سے متعلق اہم ایجنڈے اور وسیع خاکے پر بھی تبادلہئ خیال کا امکان ہے۔ اسمبلی انتخابات کے مدنظر یہ عظیم اتحاد کی پہلی میٹنگ ہے۔ اس میں یشوپتی کمار پارس کی قیادت والی راشٹریہ لوک جن شکتی پارٹی کو اتحاد میں شامل کرنے کے بارے میں غوروخوض ہو سکتا ہے۔ دوسری طرف NDA اپنے سبھی پانچ اتحادیوں کے ساتھ انتخابات سے متعلق کئی میٹنگیں کر چکا ہے۔