اسرائیل کے شہر تل ابیب کے ہوائی اڈے کے قریب میزائل حملے کے پیش نظر ایئر انڈیا نے اس ماہ کی 6 تاریخ تک تل ابیب کو آنے اور جانے والی تمام پروازیں منسوخ رکھنے کا اعلان کیا ہے۔ ایک سوشل میڈیا پوسٹ میں ایئر لائن نے بتایا کہ مسافروں اور عملے کی حفاظت کو یقینی بنانے کی غرض سے فوری طور پر پروازوں کو منسوخ کرنے کا فیصلہ کیا ہے اور یہ منگل کے روز تک جاری رہے گا۔ وہ مسافر جنھوں نے آج سے 6 تاریخ تک کی ٹکٹیں بُک کر رکھی ہیں، اُنھیں دوبارہ بکنگ پر ایک مرتبہ کی چھوٹ یا ٹکٹ کی منسوخی پر پوری رقم ادا کردی جائے گی۔ مزید تفصیلات کیلئے صارفین 011-69329333 یا 011-69329999پر رابطہ کرسکتے ہیں یا ویب سائٹ airindia.com پر Visit کرسکتے ہیں۔