انسانی حقوق کے قومی کمیشن نے مدھیہ پردیش کے سکریٹری اور پولیس کے ڈائریکٹر جنرل کو میڈیا کی اُن رپورٹوں پر نوٹس جاری کئے ہیں جن میں یہ دعویٰ کیا گیا ہے کہ پچھلے تین سالوں میں ریاست سے تین ہزار چار سو سے زیادہ خواتین اور لڑکیاں لاپتہ ہوئی ہیں۔ میڈیا کی رپورٹ پر اپنی جانب سے کارروائی کرتے ہوئے کمیشن نے واضح کیا کہ بھوپال کے کوہِ فضا علاقے میں ایک پُل کے نیچے سے ایک چھ سالہ بچی کے لاپتہ ہونے کے 18 دن بعد بھی کوئی پیشرفت نہیں ہوئی ہے۔ کمیشن نے زور دے کر کہا کہ لاپتہ ہونے کا یہ کوئی واحد معاملہ نہیں ہے۔ کمیشن نے اِس معاملے میں دو ہفتے کے اندر اندر ایک تفصیلی رپورٹ طلب کی ہے۔