महाराष्ट्र राज्य परिचारिका संघटनेच्या वतीनं सुरू असलेल्या राज्यव्यापी आंदोलनात, आज यवतमाळच्या वसंतराव नाईक शासकीय रुग्णालयाच्या परिचारिकांनीही सहभाग नोंदवत काम बंद आंदोलन सुरू केलं.  या आंदोलनाला शेतकरी चळवळीतील कार्यकर्त्यांनीही पाठिंबा जाहीर केला आहे. वेतन, लिंगभेद, स्वतंत्र संचालनालय या आणि अशा विविध प्रलंबित मागण्यांसाठी संघटनेनं अलिकडेच मुंबईत आझाद मैदानावर धरणं आंदोलन केलं होतं. मात्र सरकारनं त्याची दखल न घेतल्यानं संघटनेनं १८ जुलैपासून राज्यव्यापी कामबंद आंदोलन सुरू केलं आहे..