दिल्ली उच्च न्यायालयाचे न्यायाधीश न्यायमूर्ती यशवंत वर्मा यांच्या घरी बेहिशोबी रोख सापडल्याप्रकरणी त्यांच्याविरुद्ध एफआयआर दाखल करायची मागणी करणारी जनहित याचिका सर्वोच्च न्यायालयानं आज फेटाळून लावली. या प्रकरणी अंतर्गत चौकशी सुरू असून ती पूर्ण झाल्यावर सरन्यायाधीश न्यायमूर्ती संजीव खन्ना उपलब्ध पर्यायांमधून निवड करतील. त्यानुसार ते FIR दाखल करणं किंवा संसदेला पुढील कारवाईसाठी शिफारस करु शकतील, असं न्यायमूर्ती अभय ओक आणि न्यायमूर्ती उज्जल भुयान यांच्या पीठानं स्पष्ट केलं.