आज जागतिक बालमजुरी विरोधी दिन आहे. मुलांचं शोषण थांबवण्यासाठी आणि बालमजुरी निर्मूलनासाठी प्रयत्न तीव्र करणं हे यावर्षीचं उद्दिष्ट आहे. गेल्या वर्षी सुमारे १३कोटी ८० लाख बालकामगार होते, यापैकी सुमारे ५ कोटी ४० लक्ष मुलं आरोग्य, सुरक्षिततता आणि विकासासाठी हानिकारक ठरतील अशी धोकादायक कामं करत होती असं आंतरराष्ट्रीय कामगार संघटना आणि संयुक्त राष्ट्र बाल निधीनं प्रसिद्ध केलेल्या अहवालात म्हटलं आहे.