ब्रिटनमध्ये लिव्हरपूल इथं झालेल्या जागतिक मुष्टियुद्ध अजिंक्यपद स्पर्धेत भारताच्या जस्मिन लँबोरिया  आणि मीनाक्षी हूडानं सुवर्ण पदक जिंकून इतिहास रचला आहे. भारताच्या महिला खेळाडूंनी या स्पर्धेत उत्तम कामगिरी केली. राष्ट्रकुल क्रीडा स्पर्धेची पदक विजेती असलेल्या जस्मिननं महिलांच्या ५७ किलो वजनी गटाच्या अंतिम फेरीत पोलंडच्या जूलिया सेरेमेटाला ४-१ नं  पराभूत केलं तर ४८ किलो गटात मीनाक्षी हूडानं कझाकस्तानच्या नाझिम किझायबेला पराभूत केलं.  ८० किलो वजनी गटाच्या अंतिम फेरीत मात्र भारताच्या नुपूर श्योराणला पोलंडच्या अगाता काझ्मार्स्काकडून  ३-२ असा पराभव पत्करावा लागल्यानं तिला रौप्य पदकावर समाधान मानावं लागलं, तर पूजा राणीनं  कांस्य पदक पटकावलं. मात्र, पुरुष खेळाडूंना एकही पदक जिंकता आलं नाही.