भारतात तयार होणाऱ्या तीन कफ सिरपमधे भेसळ असल्याचं डब्लू.एच.ओ. म्हणजेच जागतिक आरोग्य संघटनेनं म्हटलं आहे. यात श्री सन फार्मासुटिकल्सचं कोल्डरिफ, रेडनेक्स फार्मास्युटिकल्सचं रेस्पिफ्रेश टीआर आणि शेप फार्माच्या रिलाइफ या औषधांचा समावेश आहे. अशा प्रकारची औषधं जगात कोठेही अशी औषधं आढळली तर ताबडतोब त्याची माहिती संबंधित यंत्रणेने द्यावी, असं आवाहन डब्ल्यूएचओने केलं आहे.
भारतात अलिकडेच कोल्डरिफ औषधाच्या सेवनानंतर काही मुलांचा मृत्यू झाल्यानंतर श्री सन फार्मास्युटिकल्स कंपनीचा उत्पादन परवाना रद्द करण्यात आला असून कंपनीच्या मालकाला अटक करण्यात आली आहे.
अशी औषधं दोन ते पाच वर्षांपेक्षा कमी वयाच्या मुलांना देऊ नयेत, असं जागतिक आरोग्य संघटनेनं म्हटलं आहे. याबाबत केंद्र सरकारने सर्व राज्यं आणि केंद्रशासित प्रदेशांना मार्गदर्शक सूचना जारी केल्या आहेत.
