वक्फ सुधारणा विधेयकासंदर्भात नेमलेल्या संयुक्त संसदीय समितीने आज आपला अहवाल लोकसभा सभापतींना सादर केला. या विधेयकासंबंधी 14 सुधारणा समितीने स्वीकारल्या आहेत. 31 सदस्यीय समितीचे अध्यक्ष जगदंबिका पाल यांनी सभापती ओम बिरला यांना हा अहवाल सादर केला. नोंदणीचं डिजीटायझेशन, लेखापरीक्षण, बेकायदेशीरपणे कब्जा केलेल्या वक्फ मालमत्ता परत मिळवण्यासाठी कायदेशीर यंत्रणेत महत्त्वपूर्ण सुधारणा अशा बाबींचा विधेयकांत समावेश आहे.
संयुक्त संसदीय समितीवरच्या विरोधी पक्ष सदस्यांनी हा अहवाल स्वीकारण्यावर प्रश्नचिन्ह उपस्थित केलं असून अहवाल स्वीकारण्याच्या ठरावावर असहमतीची नोंद केली आहे.