उपराष्ट्रपती जगदीप धनखड आजपासून तीन दिवसांच्या गोवा दौऱ्यावर जात आहेत. या भेटी दरम्यान, उद्या ते मोरमुगाव बंदरावर उभारण्यात आलेल्या प्रकल्पांचं लोकार्पण करतील. तसंच बंदरावरील वरिष्ठ अधिकारी, कर्मचाऱ्यांशी संवाद साधतील. गुरुवारी, उपराष्ट्रपती कृषी संशोधन केंद्राला भेट देतील. तसंच राजभवन इथं उभारण्यात आलेल्या आयुर्वेदतज्ज्ञ चरक आणि सुश्रुत यांच्या पुतळ्यांचं अनावरण करणार आहेत.