उत्तर प्रदेशातल्या जौनपूर इथं काल रात्री उशीरा झालेल्या दोन वेगवेगळ्या अपघातात आठ भाविकांचा मृत्यू झाला असून ३२ जण जखमी झाले आहेत.

पहिल्या अपघातात बदलापूर भागात सुल्तानपूर रस्त्यावर भाविकांना घेऊन जाणाऱ्या चारचाकीला अज्ञात वाहनानं धडक दिल्यानं पाच जणांचा मृत्यू झाला, तर पाच जण जखमी झाले. मृतांमधे 3 महिला आणि एका बालकाचा समावेश आहे. हे भाविक अयोध्येला जात होते. 

दुसऱ्या अपघातात डबल डेकर बसची ट्रकला धडक झाल्याने तीन जणांचा मृत्यू झाला, तर २७ जण जखमी झाले. जखमींना रुग्णालयात दाखल करण्यात आलं आहे.