अमेरिका आणि चीन यांच्यात व्यापारविषयक चर्चेची नवी फेरी स्वीडनची राजधानी स्टॉकहोम इथं सुरू होणार आहे. अमेरिकेचे अर्थमंत्री स्कॉट बेसेंट आणि चीनचे उपप्रधानमंत्री हे लिफेंग या चर्चेत सहभागी होतील. या दोन्ही आर्थिक महासत्तांनी त्यांच्यातलं व्यापारयुद्ध ९० दिवस थांबवायचा निर्णय घेतला होता. या तडजोडीचा १२ ऑगस्ट हा शेवटचा दिवस आहे. अमेरिकेनं काहीच दिवसांपूर्वी युरोपीय संघ आणि जपान यांच्याशी व्यापार करार केल्याच्या पार्श्वभूमीवर चीनशी ही चर्चा होत आहे.