बल्गेरियात सामोकोव्ह इथे सुरू असलेल्या २० वर्षांखालील जागतिक कुस्ती स्पर्धेत भारताच्या सुमित मलिक याने रौप्य पदक मिळवलं आहे. अंतिम फेरीत त्याला रशियाच्या मॅगोमेड ओडझामिरो याच्याकडून ५-८ असा पराभव पत्करावा लागला. महिला गटात सृष्टीने ६८ किलो गटाच्या अंतिम फेरीत प्रवेश केला आहे. तिने उपांत्य फेरीत जर्मनीच्या लॉरा कोहलर हिच्यावर ७-३ असा विजय मिळवला. तर ५७ किलो वजनी गटात तपस्या हिने जपानच्या सोवाका उचिदा हिला ४-३ असं पराभूत करून अंतिम फेरीत स्थान मिळवलं.