व्हिएतनाममध्ये बुआलॉय चक्रीवादळामुळे मृत्युमुखी पडलेल्यांची संख्या ५१वर गेली आहे. मुसळधार पाऊस आणि पुरामुळे १४ जण बेपत्ता असल्याची आणि १६४ जण जखमी झाल्याची माहिती व्हिएतनामच्या आपत्ती व्यवस्थापन संस्थेनं दिली आहे. बुआलॉय चक्रीवादळ गेल्या सोमवारी उत्तर मध्य व्हिएतनामला धडकलं. या चक्रीवादळामुळे साडे ४३ कोटी अमेरिकन डॉलर्सचं नुकसान झाल्याची माहिती आहे. रस्ते, शाळा, कार्यालयाच्या इमारतींना मोठा फटका बसला असून हजारो कुटुंबं विजेविना आहेत. २ लाखापेक्षा जास्त घरांचं नुकसान झालं असून ५१ हजार हेक्टरपेक्षा जास्त जमिनीवरची पिकं जमीनदोस्त झाली आहेत.