ओदिशामध्ये पुरी इथे आज सकाळी भगवान जगन्नाथाच्या यात्रेवेळी चेंगराचेंगरी होऊन तीन भाविकांचा मृत्यू झाला आणि १२हून अधिक जण जखमी झाले. जगन्नाथ मंदिर परिसरातल्या गुंडिचा मंदिर इथे आज पहाटे भगवान जगन्नाथ, बलभद्र आणि सुभद्रा यांच्या दर्शनासाठी मोठी गर्दी जमलेली असताना ही दुर्घटना घडली. जखमींना रुग्णालयात दाखल करण्यात आलं असून त्यापैकी सहा जणांची प्रकृती गंभीर आहे. प्रशासनाने या दुर्घटनेची चौकशी सुरू केल्याची माहिती पुरीच्या जिल्हाधिकाऱ्यांनी दिली आहे. ओदिशाचे मुख्यमंत्री मोहनचरण यांनी या दुर्घटनेबद्दल तीव्र शोक व्यक्त केला आहे. ओदिशा राज्य सरकारने मृतांच्या कुटुंबांना प्रत्येकी २५ लाख रुपयांच्या मदतीची घोषणा केली आहे. तसंच पुरीचे जिल्हा दंडाधिकारी आणि पोलिस अधीक्षक यांची बदली करण्यात आहे आणि घटनेची सखोल चौकशी करण्याचे आदेश दिले आहेत.